ظاهرة سيئه

يسعد مساكم جميعا اعضاء منتديات الحنين الفلسطيني
في ظاهرة انا لاحظت عليها في المنتدى من قبل الاعضاء
وياريت تشاركوني الراي

لاحظت بعض الاعضاء بس بدو يشارك وخلاص مش شرط كيف يكون الرد ولا الموضوع
في موضوع من مواضيعي لحظت فيه الرد عبارة عن
صورة وبس
والصورة فيها كلام مثلا يسلمو ع الموضوع الرائع ... ومش عارف شو
ولا صورة تانكس بالانجليزي

شو هاد هدا رد بليق بموضوع صاحبو تعب فيه وهوا بنقل فيه ع المنتدى
سبونا من الاساليب الفاضيه
احنا قهقيرة منتديات وعارفين الشغلات هاي رد والسلام ونحسبت الي مشاركة بدها زغريته والله

ياريت نشوف حالنا ونقدر نغير من اسلوبنا بالردود والمواضيه
وهدا لرفع المنتدى للامام

اخوكم محمد

دمتم بخير

هاذه الشكوى تقدم فيها بعض الاعضام النشطين والمجتهدين في المنتدى الذين

يسعون نحو منتدى اجمل وارقى لاكن يا صديقي هناك في كافة المنتديات أخطاء كثيره

لا تعد ولا تحصى نجد احيانا خلافات بين بعض الاعضاء ومن ثم مشاكل في الرد على

المواضيع مثلما طرحت ومشاكل انتقادات للمواضيع .. ضاهرة من يضع رد ويخرج من

الموضوع متسرع لكي يحصل على عدد من المساهمات ضاهره نراها كثيراً هنا وفي

عدة منتديات انا الان سأنتضر جميع الردود على موضوعك ومن ثم سأتخذ الاجرآئات من

بعد اليوم...!! شكراً لك ولإهتمامك

مممم مش عارف شو اقول بس جد كلامك صحيح بس انت كمان انا لاحظت كثير هيك سيتم وضع قانون ممنوع وضع صورفقط للردود وانا كمان هطبق القانون هذا على نفسي شكرا لك

صحيح كلامك .. في بعض الاعضاء كل همهم مين الاعلى مشاركة وكأنه بسباق وفعلا ظاهرة سيئة جدا لانه لو مااعطيت الموضوع حقه بيكون مابيستاهل وجوده لانه نحنا هون بالمنتدى بدنا نرتقي لشي افضل ومستوى اعلى ويكون الاعضاء الي فيه واعيين ومثقفين .. ويعطو لكل موضوع حقه .. مثل ماحكت كريستالة وانا متلها مابفوت قسم الحاسوب والهكرز وهالاقسام لاني مابعرف شو احكي بس بتابع بدون رد وهدا الشي فعلا مدايقني شخصيا لاني مااعطيته حقه ولو اني مابعرف شو احكي

بس ان شاء الله يلي بيعتمد على هاي الطريقة في اسلوب الرد يتحسن ويكون ارقى من هيك حتى نحسن وضع المنتدى وحتى مايكون في مشاكل بين الاعضاء ومين اعلى ولامين اقل مشاركات بدنا نكون ايد واحدة ومافي تناقضاات واختلافات وبتمنى من الجميع من الجميع يعطي كل موضوع حقه من الادارة لأخر عضو مشترك معنا بالحنين

تقبل مروري

مشكور على الموضوع الهادف لاني واجهت متل هيك مشكلة يعني بقسم بوح الخواطر نزلت موضوع عن صرخة الم وكان يحكي عن فلسطين والمعاناة بس في عضو كتبلي ان شاء الله بتكون حياتك سعيدة وفرح وكلام ملوش دخل بالموضوع واثبتلي انو ما قري ولا حرف من الموضوع يعني انا احب على قلبي افوت على صفحتي وملقاش ولا تعقيب ولا اني افوت والقى ردود ما الها دخل بالموضوع
شكرا الك خيا محمد

بصراحه يعني بدكم تكون المنتدى جميل والمواضيع يكون عليها طرح جميل

وردود جميله لازم كل عضو يحط خمس مواضيع يوميا انا باجي كل يومين بلاقي العضو حاتط خلال يومين اكثر من 40 موضوع فهاذا يخولني اني اضع انا صور فقط شكر
فيا اخي طرحك هاذا من زمان تقدم به لكي نجد منتدى اجمل ورائع شكرا لك